Plantun de Prouvènço

Pèr coumpara dos planto d'encò nostre

Caltha palustris & Phyteuma michelii

Gauche-d'aigo

Caltha palustris

Ranunculaceae

Àutri noum : Gauchet-d'aigo, Peirouleto, Bescuchèu, Erbo-dóu-marfoundemen.

Noms en français : Populage des marais, Caltha des marais.

Descripcioun :
Au nostre, lou gauche-d'aigo se vèi soulamen en mountagno que i'agrado lis endré fres e bagna. Douno un pau d'èr à l'auriheto, Ficaria verna, emé si flour jauno, pamens li fueio soun eici redouno, en couor à la baso, ço qu'a douna li noum de peirouleto (pichot peiròu) e de bescuchèu (pichot bescue).

Usanço :
La planto caup, coume lis àutris Ranunculaceae, de proutou-anemounino, pamens li jóuini fueio e flour podon èstre manjado. Autramen fau faire couire mant'un cop la planto o la faire seca. Èi counseiado pèr lucha contro lou mau d'os. Èi peréu sudourifico (erbo-dóu-marfoundamen), antispasmoudico e sedativo. Fretado sus la pèu levo la doulour e fai veni rouge (rubeficanto).

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Caltha
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 4 Cm
Flourido : Printems - Estiéu

Sòu : Ca
Autour basso e auto : 800 à 2300 m
Aparado : Noun
Abriéu à juliet

Liò : Riéu - Prado umido - Palun - Sourgènt
Estànci : Coulinen à Subaupen
Couroulougi : Bourealo
Ref. sc. : Caltha palustris L., 1753

Rapounchoun(-de-Micheli)

Phyteuma michelii

Campanulaceae

Nom en français : Raiponce de Micheli.

Descripcioun :
Aqueste rapounchoun, coumun en mountagno, trachis dins li prado umido e sus li cresten venta. Se recounèis à soun enflourejado bluio claro en espigo, e subretout à si fueio di proun estrecho un pau en lanço à la baso pièi en long. Coumpara emé lou rapounchoun-di-fueio-de-betounico que ié sèmblo proun.

Usanço :
Sèmblo que li rapounchoun soun tóuti manjadis, majamen li jóuini brout emai li racino poupouso cuecho.

Port : Grando erbo
Taio : 15 à 100 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Phyteuma
Famiho : Campanulaceae

Ordre : Asterales

Coulour de la flour : Bluio
Petalo : 5
Ø (o loungour) enflourejado : 3 à 8 cm
Flourido : Printèms - Estiéu

Sòu : Si
Autour basso e auto : 1600 à 2600 m
Aparado : Noun
Jun à avoust

Liò : Prado de mountagno - Cresten venta
Estànci : Coulinen à Aupen
Couroulougi : Ouroufito-Sud-Éuropenco
Ref. sc. : Phyteuma michelii All., 1785 (= Phyteuma scorzonerifolium Vill., 1785 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Caltha palustris & Phyteuma michelii

ges

Coumpara Gauche-d'aigo emé uno autro planto

Coumpara Rapounchoun(-de-Micheli) emé uno autro planto